Վաճառքի պայմաններ

Թարմացված է՝ 2026 թ. նոյեմբերի 7

1. Վաճառողը

Ա/Ձ Վարդան Դավոյան, ՀՎՀՀ՝ 28181262, հասցե՝ ք. Երևան, Աշտարակի խճուղի 30։ Կապ՝ +374 55 777 178, [email protected]։

2. Ապրանքը

Անվանական գիշերային լույս. ակրիլային թիթեղ՝ ընտրված դիզայնով և ձեր գրած անունով, բնական փայտե հիմք՝ LED լույսով և հպման անջատիչով, USB մալուխ։ Ըստ ցանկության, լրացուցիչ վճարով, փայտե հիմքի առջևի կամ տակի մասում փորագրում ենք ձեր գրած մաղթանքը։

Կայքի լուսանկարներում մեր պատրաստած լույսերն են։ Լույսի երանգը և փայտի նախշը կարող են մի փոքր տարբերվել։

3. Գինը

Լույսի գինը 7500 դրամ է, մաղթանքի փորագրությունը՝ 1000 դրամ յուրաքանչյուր լույսի համար, ձեր ուզած դիզայնի էսքիզը և պատրաստումը՝ 3000 դրամ մեկ պատվերի համար։ Առաքումն անվճար է ամբողջ Հայաստանում։ Վճարման ենթակա ընդհանուր գումարը երևում է պատվերի ձևում՝ վճարելուց առաջ։

4. Պատվերի ձևակերպումը

1. Ընտրում եք դիզայնը կամ նկարագրում ձեր ուզած դիզայնը, գրում անունը, ըստ ցանկության՝ նաև մաղթանքը։
2. Լրացնում եք ստացողի անունը, հեռախոսահամարը և հասցեն։
3. Վճարում եք բանկային փոխանցումով՝ ըստ պատվերից հետո ցույց տրվող տվյալների (մինչև քարտային վճարման միացումը)։

Պատվերը համարվում է ընդունված վճարումը ստանալուց հետո։ Անունը և մաղթանքը փորագրում ենք ճիշտ այնպես, ինչպես գրել եք, ուստի խնդրում ենք ստուգել ուղղագրությունը։

5. Ձեր ուզած դիզայնը

Եթե ընտրել եք «Ձեր ուզած դիզայնը», պատվերից հետո 1 աշխատանքային օրվա ընթացքում էսքիզը կուղարկենք WhatsApp-ով կամ Viber-ով՝ ձեր նշած հեռախոսահամարին։ Լույսը սկսում ենք պատրաստել ձեր հաստատումից հետո, և պատրաստման ժամկետը հաշվվում է այդ օրվանից։ Մինչև հաստատելը էսքիզը կարող ենք ուղղել։ Եթե չհաստատեք էսքիզը, պատվերը կարող եք չեղարկել, և վճարված գումարը կվերադարձնենք ամբողջությամբ։

6. Վճարումը

Քանի դեռ քարտային վճարումը միացված չէ, վճարումը կատարվում է բանկային փոխանցումով՝ ID Bank-ի հաշվին. ստացող՝ Վարդան Դավոյան, հաշվեհամար՝ 11800153871900։ Կարող եք վճարել ՀայՓոստի ցանկացած բաժանմունքում կամ ցանկացած բանկի հավելվածով։ Վճարման նպատակում նշեք պատվերի համարը։ Լույսը սկսում ենք պատրաստել վճարումը ստանալուց հետո։

Քարտային վճարումը միանալուց հետո վճարումը կկատարվի Visa, Mastercard կամ ArCa քարտով՝ Ինեկոբանկի անվտանգ վճարման էջում։ Քարտի տվյալները մուտքագրվում են միայն բանկի էջում. մենք դրանք չենք տեսնում և չենք պահում։ Գործարքները պաշտպանված են 3D Secure համակարգով։

7. Պատրաստումը և առաքումը

Լույսը պատրաստում ենք վճարումից հետո 1–2 աշխատանքային օրում։ Առաքում ենք ամբողջ Հայաստանով՝ ՀայՓոստով։ Երևանում առաքումը տևում է 1–2 օր, մարզերում՝ 2–4 օր։ Առաքումն անվճար է։

Տոնական օրերին և փոստի ծանրաբեռնվածության դեպքում ժամկետները կարող են մի փոքր երկարել։ Այդ դեպքում կտեղեկացնենք ձեզ։

8. Պատվերի փոփոխումը և չեղարկումը

Պատվերը կարող եք փոխել կամ չեղարկել, քանի դեռ չենք սկսել այն պատրաստել։ Դրա համար զանգեք մեզ +374 55 777 178 համարով։ Չեղարկման դեպքում վճարված գումարն ամբողջությամբ վերադարձնում ենք նույն քարտին կամ, փոխանցումով վճարելու դեպքում, ձեր նշած բանկային հաշվին՝ նայած, թե ինչով եք վճարել։

Պատրաստումը սկսելուց հետո պատվերը չեղարկել հնարավոր չէ, քանի որ լույսը պատրաստվում է անհատապես՝ ձեր գրած անունով։

9. Վերադարձը և փոխարինումը

Անունով կամ մաղթանքով պատրաստված լույսը անհատական պատվեր է, ուստի պատշաճ որակի ապրանքը վերադարձի կամ փոխանակման ենթակա չէ։

Եթե լույսը հասել է վնասված, չի աշխատում կամ մեր սխալով պատրաստվել է այլ անունով կամ դիզայնով, ստանալուց հետո 3 օրվա ընթացքում ուղարկեք լուսանկարը WhatsApp-ով կամ Viber-ով +374 55 777 178 համարին։ Կփոխարինենք լույսն անվճար կամ կվերադարձնենք վճարված գումարը։

10. Գումարի վերադարձը

Գումարը վերադարձնում ենք այն քարտին, որով կատարվել է վճարումը, իսկ փոխանցումով վճարելու դեպքում՝ ձեր նշած բանկային հաշվին։ Վերադարձը ձևակերպում ենք 3 աշխատանքային օրվա ընթացքում, իսկ քարտին գումարի մուտքագրման ժամկետը կախված է քարտը թողարկած բանկից։

11. Անձնական տվյալները

Պատվերի տվյալներն օգտագործում ենք միայն պատվերը կատարելու համար։ Մանրամասները՝ գաղտնիության քաղաքականությունում։

12. Կապ

Հեռախոս՝ +374 55 777 178, էլ. փոստ՝ [email protected], Instagram, Facebook։